موقع كلام شباب | أحلي كلام - Powered by vBulletin

Banner

 

 

 

 

اخر مواضيع المنتدى



 
النتائج 1 إلى 7 من 7

الموضوع: مقارنه بسيطه بين (الطفل الفافي) ... و(الطفل البيئه)

  1. #1
    الصورة الرمزية M7md77
    تاريخ التسجيل : Oct 2009
    المشاركات : 116

    افتراضي مقارنه بسيطه بين (الطفل الفافي) ... و(الطفل البيئه)      Bookmark and Share

      تابعنا علي صفحتنا علي الفيسبوك

     

     

     

     

     
    لو عجبك الموضوع دوس Like واعمله شير لاصحابك علي الفيسبوك أو تويتر  
     

     

    ازيكم يا جماعه عاملين ايه كويسين طيب الحمد لله"ايه الرخامه دى "

    دا موضوع ويارب يعجبك
    هوا طويل شويه بس خليك معايا للاخر


    (دي مقارنه بسيطه بين (الطفل الفافي) ... و(الطفل البيئه )
    __________________________________

    (الطفل الفافي) و (الهافلايف )
    .....................................

    1-الولد من دول يصحى على صوت الكناري اللي في اوضته ....
    - سو سو سو سو .... -
    _________

    2-يدخل الحمام ياخد شاور .... ويغسل شعره بشامبو من ايطاليا .... ويحط
    جيل بالمرز من فرنسا ويغسل سنانه بمعجون سيجنال تو .....
    - بيتفرج على الام بي سي كتيييييييييييير -
    _________
    3- يطلع من الحمام يلاقي الداده مستنياه بفوطه من حريييييير .... وتلاعبه
    وتهزر معاه بالانجليزي ....
    - الداده معاها دكتوراه من جامعة اسفخص في لندن -
    _________
    4-يخش على اوضته ... ويفتح الدولاب ويطلع منه هدومه المكويه واللي ريحة
    اريال باينه فيها .....
    - اريال .... نسيم الصباح -
    __________
    5- يجيب جزمته من الجزامه ... اللي مليانه جزم وكوتشيهات ...
    وسبوووز .....
    - تقولش دخلت محل لطفي أو توكيل تمبرلاند -
    __________
    6- ينزل يفطر مع مامي ودادي ... والفطار كورن فليكس بطعم الستروبوري او
    الشوكولات ....
    - كورن فيليكس كلووقز .. مش بسكو مصر -
    __________
    7- يسلم على مامي ويبوسها بعد ماتكون حطتله ديناربوكس بتاعه وفيه ....
    ساندوتشين اتشكن ناجتس و كيس شيبسي و عصير جهينه او ايزي موزوو
    - ايزي مووزو فاكرين الاعلان ده ؟؟؟ -
    __________
    8- يسلم على دادي اللي يديله البوكيت موني بالدولار ..... مش يعرفو حاجه
    اسمها جنيه طبعا
    - جنيه ؟؟؟؟ دي عملة انكردت من زمااان -
    __________
    9- يطلع من البيت بعد الداده ماتلبسه الشنطه بتاعة الكتب على ضهره ..
    - بنشوف الشنطه دي مع الخواجات في شرم وبس -
    __________
    10- يركب الباس بتاع السكول .... ويشاور (باي باي) للداده ولمامي ...
    ويركب مع زمايله ويغنو بالانجليش او الفرينش .....
    - فريدرو جاكو .... فريدرو جاكو ... هايللبّووه -
    __________
    *الطفل البييييئه :
    __________
    ...................
    1- دييييييييب .... اخوه رمى عليه طوبه عشان بقاله ساعتين بيصحي
    فيه ... وهو ولا هنا ...
    - طبعا .. مقضيها صرمحه في الشارع للفجر -
    >>>>>>>>>>>>>>>>>>>>>>>>>>>>>>>>>>>>>>>>

    2- العيال دي ماتعرفش اختراع اسمه (غسيل الوش بعد ما تقوم من
    النوم) .... هم شوية خناق مع اخواته ويبقى صحصح على الآآآآآآآخر ....
    - بدل تمارين الصباح ... رياضه برضه -
    >>>>>>>>>>>>>>>>>>>>>>>>>>>>>>>>>>>>>>>>

    3- طبعا بعد الخناق ده بيبقى جعان ... تلاقيه بيحوم في الشقه ويدوّر في
    المطبخ على اي حاجه ..... انشالله صرصار .. برضه هاياكله من الجوع
    - عشان كده ماتلاقيش في بيتهم صراصير -
    >>>>>>>>>>>>>>>>>>>>>>>>>>>>>>>>>>>>>>>>

    4- بعد ما يحط في بطنه اي حاجه في رغيف ... يدور على اي حاجه
    يلبسها .... القميص مرمي تحت السرير ... ويقلع اخوه الصغير البنطلون
    بتاعه وهو نايم ...
    - هدومه كلها مكرمشه ... تقولوش طالعه من بق *** -
    >>>>>>>>>>>>>>>>>>>>>>>>>>>>>>>>>>>>>>>>

    5- طب وبعدين .... ساعتين بيدور على الجزمه ... مش عارف رزعها فين ...
    واخوه الكبير خارج من البيت حافي كمان عشان مايقولش انه خدها ... افتكر
    اخيرا انه حاطط فرده منهم فوق الدولاب .... والتانيه ... تحت التلاجه
    - طبعا ما يعرفش اختراع اسمه الشرابات -
    >>>>>>>>>>>>>>>>>>>>>>>>>>>>>>>>>>>>>>>>

    6- دلوقتي معاد حرب كل يوم ..
    : ماما ... انا عايز مصروفي
    : مصروف ايه ياااااض ... انت مش واخد امبارح .. ولا كل يوم مصروف مصروف
    : يعني مافيش اي حاجه ؟؟؟
    : في دي ..... دييييب ...
    - ضربة بالحله على نافوخه -
    >>>>>>>>>>>>>>>>>>>>>>>>>>>>>>>>>>>>>>>>

    7- الباشمهندس الصغير .... مايعرفش فين كتبه ولا كشاكيله اصلا .... عشان
    كده ... خد اي كتاب موجود في البيت على اي كشكول ....
    - مايعرفش يعني ايه قلم .... غير اللي بياخده على قفاااه -
    >>>>>>>>>>>>>>>>>>>>>>>>>>>>>>>>>>>>>>>>

    8- هايروح مدرسته ازاي ؟؟؟ طبعا اي ميكروباز او عربيه نقل وقضيها
    شعبطه ....
    - ليااااااااااااااااااااااااااااقة -
    >>>>>>>>>>>>>>>>>>>>>>>>>>>>>>>>>>>>>>>>
    ============
    في طابور المدرسه ....
    ==============
    =================
    *الطفل الفافي (الهاف لايف) :

    1- العيال كلهم واقفين في صفوف شكلها يفرح .. ده غير ريحتهم اللي زي
    الفل
    - نضافه رباااااااااني -
    =======================================

    2- الطابور كله تمارين ونشاط ....
    - على انغام الدي جي (ياسر شاكر) -

    =======================================
    3- الاذاعه المدرسيه .... اخبار من مجلات (واشنطون بوست)
    - وطبعا .... مافيش ترجمه -

    =======================================
    4- يغنو النشيد الوطني بقيادة المايسترو (سليم سحاب)
    - (حسن كامي) ... كان بيغنيه معاهم قبل ما ربنا يفتح عليه -

    =======================================
    5- طالعين فصولهم وكأنهم ملايكه أو فراشات ... وبحماس ونظاااام
    - تقريبا ... والله أعلم ... بيحبو مدرستهم .... سبحان الله -

    =======================================
    *الطفل البيئه :

    1- داخل المدرسه متأخر وحالته نيله
    - اتشعبط في مكروباز (شبرا) ... ومدرسته اصلا في (الحلميه) -
    ************************************************** ****
    2- بعد التذنيب والشتيمه من مدرس الألعاب (حسن أبو شفه) ... انضم لباقي
    زمايله في المعتقل ... سوري ... زمايله في المدرسه
    - ولا واحد منهم فاهم هو فين أصلا ... واتضح ان صاحبنا أكتر واحد شيييك
    فيهم -
    ************************************************** ****
    3- الأثاحه الملثيه .....----> تحريف لكلمة (الاذاعة المدرسيه) ...
    - تخيلو انتو باقي الأخبار بقى -
    ************************************************** ****
    4- النشيد الوطني اللي هم بيقولوه .... بتاع دوله مجهوله ... ونفسي
    اعرف ايه هي؟؟؟
    - طبعا على موسيقا آلات النفخ .... الشيشه -
    ************************************************** ****
    5- في مرحلة طلوعهم الفصول .... بيختلط الحابل بالنابل ....
    - ياترى انا في فصل ايه النهارده ؟؟؟ -
    ************************************************** ****
    بعد المدرسه ما تخلص ... بيرجعو على بيوتهم بنفس الاسلوب .... ونشوف
    يومهم عامل ازاي دلوقتي
    ___________________
    *الطفل الفافي (الهاف لايف) :

    1- يرجع من السكول تكون الداده في استقباله ... وتشيل منه الشنطه ...
    ويغسل وشه ويغير هدومه
    - والله العظيم ... وشه انضف من ما كان طالع الصبح أصلا -
    #########################################

    2- بعد ما اتشطف .... وإتصبّن - الكلمه دي متعوب عليها على فكره - يقعد
    يلعب بلاي ستيشن لحاد ما يعملو الغدا
    - الغدا بتاعهم بنشوفه في الأفلام الأمركاني -

    #########################################
    3- هاني ... دينر از ريدي
    - السيييم بتاعهم لما يجهز الغدا -

    #########################################
    4- بعد الغدا ... يشرب كبايه (اورانج جووس) وينام ساعه عشان يعرف يذاكر
    ويحل الهوم وورك

    #########################################
    *الطفل البييئه : ! !

    1- أخينا رجع من المعتقل ... او المدرسه زي مابيقولو عليها ... وهدومه
    كلها مقطعه وعلامات التعذيب على جسمه ...
    - تقولوش جاسوس اسرائيلي اتمسك في حلوان -
    ~~~~~~~~~~~~~~~~~~~~~~~~~~~

    2- امه لسه ماخلصتش الغدا ...
    - النهارده امه دابحه دكر جبنه بيضه ... واحتمال يكون في فول بالصلصه -

    ~~~~~~~~~~~~~~~~~~~~~~~~~~~
    3- ترااااادااترااااااااااااااااااااااااا ...
    - دي اعلان الحرب ... أو الغدا <هجووووووووووم> -
    ~~~~~~~~~~~~~~~~~~~~~~~~~~~

    4- بعد اكلة الفول بالصلصه ومعاه فحلين بصل ... عادة ما يعقبها احساس
    بالضياع
    - تنااااااااحه ... فور آيفير -
    ~~~~~~~~~~~~~~~~~~~~~~~~~~~
    بعد حالة التناحه او النوم دي ... بيجي وقت الشده ... ياترى الحياه
    معاهم - الطفل الفافي .. والطفل البييئه - عامله ازاي ؟؟؟؟

    ~~~~~~~~~~~~~~~~~~~~~~~~~~~
    *الطفل الفافي (الهاف لايف) :

    1- يقوم من النوم على صوت الداده ... الهادي طبعا .. عشان يقوم يذاكر
    مع المس (فرانكا) ... المدرّسه اللي جايبنهاله من انجلترا
    - نازله مخصوص ....... بالكاتالوج -
    _____________________
    2- بعد ما يخلص المذاكره وتحضير دروس تاني يوم .... مامته تاخده النادي
    عشان يلعب رياضه (باسكت او تنس) و احتمال (سكواش)
    - مشتركين في نادي المعادي والصيد والشمس ... ده غير سبورتنج في الصيف -
    _____________________

    3- يرجع من النادي ... ياخد دش ويحضر شنطته وينزل يتفرج على شانل تو
    - شانل تو بتاعة الام بي سي ... مش بتاعة مصر طبعا -
    _______________________

    4- على الساعه 10 يقوم عشان ينام .... والداده تحكيله حكايه قبل النوم
    - سندريللا وسنوو وايت ... مش ابو رجل مسلوخه وامنا الغوله -
    ____________________________
    5- ينام على صوت الداده وهي بتغنيله اغنيه رومانسيه ... وفي حضنه
    الدبدوب اللي جاله في عيد ميلاده
    - ملاك نايم يا اخواتي -
    _____________________

    *الطفل البيييئه :
    ===========
    1- يفوق من حالة التناحه من الفول والبصل على صوت حد من صحابه ... عشان
    ينزل يلعب كوره شراب في الخرابه اللي جنب الحاره بتاعتهم
    - نفس بدايات ابراهيم سعيد -
    _____________________________________
    2- يرجع بيتهم وهو بيجري وهدومه متقطعه ودماغه واخده بتاع تلاتين قلم
    على سهوه .... عشان شاط الكوره وكسر القزاز بتاع محل (عم سيد) البقال
    - الراجل ده من كتر القزاز بتاعه ما اتكسر ... هايفتح مصنع قزاز -
    ________________________________
    3- اخته جابته عشان يحل الواجب ويذاكر .. بس مامعاهوش قلم ... قام نزل
    الشارع عشان يجيب قلم
    - آدي دقني لو جاب ولا حتى رجع من أصله -
    _________________________
    4- على الساعه 2 الفجر ... باب بيتهم بيخبط .. وامه فتحت الباب شافت
    جارهم دماغه متعوره وجايب لها المحروس اللي كان بيلعب حرب بالطوب وفتح
    دماغه
    - تقولش طفل من أطفال الانتفاضه -
    ____________________
    5- ساب امه وابوه وهم بيصالحو جارهم وبيبوسو ايده عشان ما يعملوش
    محضر .... واتسحّب المفعوص على المطبخ جاب حتة جبنه وطماطمايه ورغيف
    معطن .... وزوغان على السرير
    - بسلامته نايم وهو متلفح بالبطانيه زي مايكون من مطاريد الجبل



    اسف جدا انى طوولت عليكم ويا رب يعجبكم.

     


    التوقيع
    [img3]http://up.arb-up.com/i/00026/xmuxsviwr7r8.jpg[/img3]

    u cant imagine the true love mean

  2. #2
    الصورة الرمزية Black Horse

    تاريخ التسجيل : Oct 2009
    الدولة : egypt
    العمر : 19
    المشاركات : 286
    Black Horse غير متواجد حالياً

    افتراضي


    هههههههههههههههههههههههههههه


    لا مقارنه جامده اقوى


  3. #3
    الصورة الرمزية handasa

    تاريخ التسجيل : Oct 2009
    المشاركات : 67
    handasa غير متواجد حالياً

    افتراضي


    هههههههههههههههههههههههههههه
    جامدة اوى يامان


  4. #4
    الصورة الرمزية M7md77

    تاريخ التسجيل : Oct 2009
    المشاركات : 116
    M7md77 غير متواجد حالياً

    افتراضي


    اقتباس المشاركة الأصلية كتبت بواسطة Black Horse مشاهدة المشاركة
    هههههههههههههههههههههههههههه


    لا مقارنه جامده اقوى
    ثنكس علي الرد و المرور حمو

    اقتباس المشاركة الأصلية كتبت بواسطة handasa مشاهدة المشاركة
    هههههههههههههههههههههههههههه
    جامدة اوى يامان
    كفايه الضحكة دي

    التوقيع
    [img3]http://up.arb-up.com/i/00026/xmuxsviwr7r8.jpg[/img3]

    u cant imagine the true love mean

  5. #5
    الصورة الرمزية ADLY

    تاريخ التسجيل : Feb 2009
    المشاركات : 1,470
    ADLY غير متواجد حالياً

    افتراضي


    ههههههههههههه
    شكرا على المقارنة الجامده دى

    التوقيع
    [img2]http://www.moveed.com/data/media/7/Image.05.jpg[/img2]


    لا تندم على حب عشته حتى اصبح ذكرى مؤلمة ...
    فاذا كانت الزهور قد جفت ...
    وضاع عبيرها...
    ولم يبقى منها غير الاشواك...
    فلا تنسى انها منحتك عطر جميل اسعدك ...

  6. #6
    الصورة الرمزية M7md77

    تاريخ التسجيل : Oct 2009
    المشاركات : 116
    M7md77 غير متواجد حالياً

    افتراضي


    اقتباس المشاركة الأصلية كتبت بواسطة ADLY مشاهدة المشاركة
    ههههههههههههه
    شكرا على المقارنة الجامده دى
    هههههه ثنكس علي الضحكة الحلوة

    التوقيع
    [img3]http://up.arb-up.com/i/00026/xmuxsviwr7r8.jpg[/img3]

    u cant imagine the true love mean

  7. #7

    تاريخ التسجيل : Jul 2011
    المشاركات : 2
    بيروو46 غير متواجد حالياً

    Thumbs up


    الفكرة جامدة مووووووووووووووووووووووووووووووووووووووووت وبجد عجبتني


الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73